මෙහෙව් රටේ අද්දියාපනය

කාලෙක ඉදල මේක ගැන ලියන්න හිතේ තිබ්බට ගතියක් ආවේ නෑ.ඔන්න අදනම් ලියනවමයි කියල හිතාගත්තා....
අපි ඉස්කෝලෙ යන්න පටන් ගන්නෙ වයස අවුරුදු 5දි. ඊට පස්සෙ 2වසරෙ ඉදන් ශිෂ්‍යත්ව පන්ති ගිහිල්ල මොනව මොනව හරි කොරල 5වසරෙ විභාගෙත් ලියනවා ( ලගදි ප්‍රවෘත්ති ඇහුවානම් දන්නවනෙ එකෙත් හැටි) ඉතින් කොහොම කොහොම හරි 10 වසරෙදි කෙල්ලෙකුත් දාගෙන 11දි අපි අ.පො.ස (අපොයි පොත් වලට ගිය සල්ලි ) සමාන්‍යය පෙල විභගෙත් සමත් කර ගත්තයි කියමුකො....
ඔන්න ජිවිතේ තේරෙන්න පටන් ගන්නවා...
අ.පො.ස සා.පෙ. කරල ඉවර වෙලා සමහරු හැලෙනවා. මතක් තියගන්න ඔනෙ මේ වෙනකොට ඒ ළමයගෙ වයස අවුරුදු 17යි (ප්‍රතිපල එනකොට )
වයස අවුරුදු 17දි කෙනෙක්ට මොනවද කරන්න පුලුවන් රැකියා? දුරකතන සමාගමක රැකියාවක් ගන්න පුලුවන් (කඩ්ඩ පොලිශ් නම් )නැතිනම් ඉතින් උපරිමය රැ.15000 වෙන රැකියවක් කරන්න පුලුවන්.. හැබැයි ඉහලට යන එක නම් බහුතරයකට කරන්න අමාරුයි.සමහරු රස්සා කරන්නෙ නැතිව සල්ලි ටිකක් වියදම් කරලා පරිගනක හරි වෙන මොකක් හරි පාඨමාලාවක් කරලා ඉහලට ඉහල මට්ටමක රැකියවකට මග පාද ගන්නවා.. ( බොහොම සුලුතරයක් තමයි මෙහෙම කරන්නේ )
අ.පො.ස උ.පෙල කරන අය ගැන හිතුවොත් ඒ කට්ටිය තමන් කැමති විශය මාලවකින් ( ලංකාවෙ ඉන්න අපිට තමන් කැමති එකක් නෙවේ අධ්‍යාපන දෙපාර්තමේන්තුව කැමති ඒවා තමා කරන්න තියෙන්නේ) ඉගෙන ගන්නවා.බොහොම ලොකු කට්ටක් කාල ( සමහරු බූට් එකක් මොන රහද කියල දැනගන්නෙත් මේ කාලෙදිම තමයි ) විභගෙ කරලා පාස් උනා කියන්නකො.. ලංකාවෙ විශය මාලා හදපු සහ කාල නිර්ණය කරල සැලසුම් කොරාපු උදවියට පින්සිද්ද වෙන්න වයස අවුරුදු 20ක් වෙනකන් කොල්ලෙක්ටත් වෙල තියෙන්නෙ ගෙදරට වෙලා උඩ බලගෙන ඉන්න. ( මේ කතාව මෙහෙම උනාට රජයේ සේවකයන්ට නොමිලේ දෙන ගමන් පහසුකම් ලබාගන්න යනකොට නම් වයස 18ක් වෙන කොල්ලෙක්ට ඒ පහසුකම ගන්න බෑ. ඇයි ඒ? හික් හික්.....ඔච්චර ලොකු කොල්ලෙක්ට තමන් හම්බු කරගෙන ගමන් යන්න බෑරිය.මක්කටද නිකන් යන්න දෙන්නෙ නේද? )

ඒ කතා කොහොම උනත් අපි පටන් ගත්තු කතාව ඉවරයක් කරමුකො..
පළවෙනි වතවට උසස් පෙල කරල විශ්වවිද්‍යාලයට තේරුන ළමයා උසස් අධ්‍යාපනය හදාරන්න පටන් ගන්නකොට වයස තවත් මාස 6කින් විතර වැඩිවෙලා.. පලමු උපාධිය කරල ඉවර වෙනකොට වයස හරිනම් 25ක් වෙන්න ඔනෙ.
වර්ජන , ජන්දවැඩ , පොලිසියෙන් ගුටි කන එක , දින නියමයක් නැතිව සරසවිය වහල දාන එක ........
ඕවා ඉවර වෙලා උපධියත් අරන් ඉවර වෙනකොට වයසට තව අවුරුද්දක් විතර එකතු වෙනවා. ගෞරව උපාධියට තව වසරක් වැඩි වෙනවා.
සරසවියෙන් එලියට බහිනකොට අඩුම ගානෙ වයස 26යි.
දැන් ටිකක් හිතලා බලන්න පෞද්ගලික විභාග කරලා එන කට්ටිය සමහරු අවුරුදු 18 වෙනකොට තම්න්ගෙ පලමු උපධිය සම්පූර්ණ කරලත් ඉවරයි.. ( සා.පෙල කරල උපාධි කරන පුලුවන්නෙ දැන්)


මෙතන සාධාරණයක් තියෙනවද?
කාටද වඩිපුර රකියා අවස්ථා තියෙන්නෙ?
මෙතන සිදුවෙල තියෙන්නෙ මොකක්ද?
කව්ද මේවට පිලිතුරු දෙන්න ඔනෙ?

ඔබගේ අදහස් ඉතාමත් අගනේය ...........................................

ජිවිතය Portable කිරීම

ඔයාලට හිතෙන්නෙ නැද්ද සමහර වෙලාවල් වල වෙන පරිගනක වල වැඩ කරනකොට තමන්ට ඔනෙ කරන මෘදුකාංග(software) නැති උනාම ඒක ගොඩක් කරදරයි කියලා?..
ඔන්න දැන් ඒකට විසදුමක් තියෙනවා.. ඔයාලට උවමනා කරන මෘදුකාංග ඔයාලගෙ සාක්කුවෙ දාගෙන යන්න දැන් අවස්ථාව තියෙනවා..බොහොම සරලයි.. පහසුයි...
දැන් එක ප්‍රශ්නයක් තියෙනවා..
හරි මම ඔනෙ කරන software එක CD එකක් හරි පෙන් එකක් ඇතුලෙ හරි දාගෙන ගියයි කියමුකො.. කොහොමද ඒක ස්ථාපනය (install) කරන්නෙ? මම වැඩ කරන්න යන පරිගනකයේ මට ඒ බලතල දීලා නැතිනම්?
විසදුම බොහොම සරලයි....
අපි ඒ පරිගනකයට කිසිම software එකක් ස්ථාපනය කරන්න යන්නෙ නෑ.ඒ වෙනුවට අපි කරන්නෙ මෙන්න මෙහෙම දෙයක්.. මෙකට අපිට උවමනා කරන්නෙ පෙන් එකක් හරි CD එකක් හරි විතරයි.. මම පහල දීල තියෙන software ටික ලබාගෙන(තවත් ගොඩක් ඒවා හොයාගන්න පුලුවන් පොඩ්ඩක් අන්තර්ජාලයේ හෙව්වොත්) ඒවා install කරගන්න ඔනෙ.ස්ථාපනය කරනකොට අහනවනෙ කොහෙටද ස්ථාපනය කරන්න ඔනෙ කියල.. ඒකට තමයි පල්ලෙහා තියෙන රූපය වැදගත් වෙන්නෙ.ඒකෙ පෙන්නල තියෙන Browse කියන එක click කරල පෙන් එක(flash drive,pen drive,external hard disk....) හරි නැත්නම් hard disk එකේ තැනක් හරි දෙන්න.. ඔයලට මෘදුකාංග ස්ථාපනය කරන්න බලයක්(admin powers) දීල නත්තම් ඒකට බය වෙන්න එපා.c එකේ Programe Files නතුව නිකන්ම c දෙන්න.. එතකොට install වෙනවා..




මොසිල්ලා අපිට හුරු පුරුදු වෙබ් පිරික්සනයක් නෙ(web browser)




මේ තියෙන්නෙ VLC ප්ලයෙර් එක. ඒක ගැන කවුරුත් දන්නවනෙ..සාමාන්‍යයෙන් අවශ්‍ය වන එකක්





ඉහත මම දුන්නු ඒවට අමතරව මෙන්න මෙ වෙබ් අඩවියට ගියොත් තවත් ගොඩක් දෙවල් ඔයාලට ගන්න පුලුවන්...
http://portableapps.com/


මෙම ලිපිය ගැන ඔයලට හිතෙන දේවල් කියනවනම් ඒක මට ලොකු සතුටක්.. ඒ වගෙම තමයි ඔයාලට මේවාට අමතරව තවත් වටින කියන දේවල් අන්තර්ජාලයේදි දැක්කොත් මෙහාට ගොඩ වැදිල අපිවත් දැනුවත් කරල යන්න කියල බොහොම ගෞරවයෙන් අරාධනය කරනවා...